Ditën e djeshme, në rrjet u përhapën disa video ku një i ri në qytetin e Prishtinës ngacmonte seksualisht vajza të reja në rrugë.
Kjo kishte ndodhur jo vetëm një herë, por disa herë dhe të gjithë qytetarët e Prishtinës ishin në dijeni për këtë veprim të të riut.
Videot që bënë xhiron e rrjetit shqetësuan shumë edhe modelen Emina Çunmulaj, e cila në Instastoryn e saj ka shpërthyer e revoltuar nga e gjithë skena që ka parë.
“Ajo që do të postoj në vijim është shumë shqetësuese por duhet të flitet për të dhe të merren masa për këtë monstër. Kjo është diçka që lidhet drejtpërdrejt me Kosovën, në veçanti me policinë e Prishtinës që duhet ta arrestojnë dhe ta fusin në burg këtë individ.”- shkruan Emina në postim.
“Në mes të ditës në Prishtinë! Ku është policia?”- vazhdon modelja.
Më pas, ajo ka ndarë me ndjekësit videot e të riut i cili shfaqet duke ngacmuar vajzat në rrugë, ku i bën thirrje vazhdimisht policisë.
