Ditën e djeshme në media qarkulluan disa foto të këngëtarit Young Zerka, ku shfaqej me një vajzë bjonde.
Këngëtari dhe vajza misterioze po kalonin momente relaksuese në pishinë në Jug të Shqipërisë dhe ende nuk dihet marrëdhënia midis tyre.
Këngëtari ka zgjedhur të mos reagojë kundrejt këtyre fotove, por pa dyshim të gjithë u bëmë kuriozë të dimë se kush është bjondja misterioze që po e shoqëronte Zerkën.
Pas kërkimeve, “Iconstyle” ka zbuluar se vajza në fjalë është modele dhe ajo quhet Joana Alimema.
Nuk dihet nëse këto foto janë shkëputur nga xhirimet e një klipi të ri të këngëtarit, apo vërtetë mes tyre ka diçka më tepër siç po aludohet këto ditë.
