“Më pëlqeu shumë si njeri”! Kjo është historia e veçantë e dashurisë së një çifti të moshuarish, që u njohën në azil.
Et’hemi 83-vjeçar dhe Vangjelica 70-vjeçare kuptuan se kishin gjetur të duhurin vetëm pas tre ditësh njohje, në azilin e pleqve në Tiranë.
80-vjeçarja ka treguar në “Top Show Magazine” se Et’hemi i ka propozuar 3 ditë pasi ajo kishte shkuar në azil.
“Mos e ngisni, se ajo është e imja, u thashë “çunave”, të tjerë”, tregon Et’hemi.
Por duket se edhe ata e kanë një pengesë, drejtoreshën e institucionit që, siç tregojnë, nuk i lejon të flenë bashkë. Ata kanë mbi 1 vit bashkë dhe siç tregon Vangjelica e kalojnë kohën bashkë duke qëndruar në korridor.
Surpriza e rezervuar për çiftin ishte celebrimi nga kryebashkiaku i Tiranës, Erion Veliaj.
Pas përfundimit të ceremonisë, të sapomartuarit u përlotën, ndërsa na dhanë një mesazh të gjithëve: “Dashuria nuk njeh moshë”.
