12 prej të prekurve nga Koronavirusi në Shqipëri janë të shtruar tek spitali Infektiv në Tiranë dhe dy janë duke iu nënshtruar terapisë intensive.
Mësohet se një 66-vjeçar nga Lushnja është në gjendje tepër të rendë dhe po mbahet në jetë përmes aparaturave në Spitalin Infektiv.
66-vjeçari ka pasur histori udhëtimi me Italinë dhe është kthyer nga andej ditët e fundit.
Numri i të prekurve nga Koronavirusi në Shqipëri ka shkuar në 38 me 5 rastet e reja të konfirmuara sot.
Shqipëria shënoi viktimën e parë nga koronavirusi dy ditë më parë. Bëhet fjalë për një 73 vjeçare nga Durrësi, e cila ndërroi jetë në spital duke infektuar disa familjarë dhe një mjek të këtij spitali.
