Adele u shfaq në Grenfell Tower mbrëmjen e të mërkurës, në më pak se 24 orë nga zjarri i tmerrshëm që përfshiu ndërtesën, ku humbën jetën 12 persona.
Adele mbërriti në vendin e tmerrshëm të ngjarjes për të mbështetur viktimat dhe të mbijetuarit, teksa një numër përdoruesish në “Twitter” kanë shpërndarë pamjet e yllit të muzikës që ishte mjaft e prekur emocionalisht dhe “përqafonte dhe ngushëllonte” të prekurit e tragjedisë.
12 persona vdiqën pas zjarrit të fuqishëm që mbërtheu Grenfell Tower pas orës 01:00, por Scotland Yard pret që numri i të vdekurve të rritet dhe ka dhe nga ata që thonë që mund të jenë mbi 50.
Një numër njerëzish të famshëm kanë bërë donacione dhe kanë promovuar shërbime ndaj viktimave.
Rita Ora ka shpërndarë në profilin e saj në Twitter foton e ndërtesës në flakë me numrat e emergjencës të nevojshëm.
Gjithashtu shkoi me disa vullnetarë të ndihmonte në mbledhjen e ndihmave për të prekurit e kësaj ngjarje.
Burimi: Daily Mail
