Një shqiptar ka humbur jetën në Itali pas një sherri të dhunshëm.
32-vjeçari mori dëmtime të rënda në kokë, pasi gjatë sherrit, një 26-vjeçar ia ka përplasur kokën në trotuar të riut shqiptar, i cili gjeti më pas vdekjen në spital.
Ngjarja ndodhi në zonën e Chiari-t, në krahinën e Brescia-s të Italisë.
Viktima quhet Arben Kola dhe është baba i dy fëmijëve të vegjël. Policia ka arrestuar autorin 26-vjeçar, i cili dyshohet gjithashtu të jetë me origjinë shqiptare.
Emri i tij nuk është bërë i ditur, por ai tashmë ndodhet në paraburgim me akuzën e vrasjes. Sipas policisë pasi e rrahu të riun dhe e la përtokë pa ndjenja, 26-vjeçari u arratis, por u gjet me pas nga policia.
Autoritetet italiane po mundohen të ndërtojnë ngjarjen për të kuptuar motivet e sherrit midis dy të rinjve.
