Kryetarja e LSI-së, Monika Kryemadhi nëpërmjet një postimi në Facebook është shprehur shumë e revoltuar ndaj disa personave të paidentifikuar, të cilët kanë hapur një profil fals në emër të vajzës së saj të vogël, Era Metës.
E indinjuar nga ky veprim Kryemadhi i ka bërë thirrje Prokurorisë dhe krimit kibernetik në Ministrinë e Brendshme që të hetohet ky rast dhe personat përgjegjës të vihen para drejtësisë. Monika e revoltuar shprehet se kushdo që do të keqpërdori fëmijët e saj nuk do ta kalojë lehtë.
“Ky është një profil fals në emër të Erës, vajzës time dhe që sot po keqpërdoret në Facebook nga persona të paguar. I bëj thirrje drejtorisë së krimit kibernetik në Ministrinë e Brendshme dhe Prokurorisë të nis hetimet për këtë rast flagrant abuzimi për një të mitur. Në të njëjtën kohë paralajmëroj ata që keqpërdorin fëmijët e mi se nuk do e kalojnë lehtë këtë akt pervers, të frymëzuar dhe sponsorizuar nga ata që kurrë nuk kanë respektuar familjet e aq më pak fëmijët e tyre. Ju lutem bëjeni report këtë profil”, ka shkruar zonja Kryemadhi në postimin e saj në Facebook.
