Pas një karriere të suksesshme gjithmonë qëndron një rrugë e vështirë për të arritur deri aty. Këtë e ka vërtetuar edhe një herë Emina Çunmulaj e cila ka rrëfyer si e nisi modelingun, teksa tregoi se pasi familja u kthye nga SHBA-ja ishte vetëm 5 vjeç dhe u vendosën në Tuz të Malit të Zi.
Modelja tha se i është dashur të përballet me tabutë e një vendi të vogël, pasi kërkonte diçka më të madhe për veten e saj, një karrierë përtej Tuzit.
Emina tha se vajzat në Tuz, aso kohe martoheshin që në moshën 14-15 vjeçare dhe ajo i lutej nënës që të mos e martonin, e për këtë ishte e gatshme të merrej me gjithçka, edhe me nxjerrjen e lopëve për t’i kullosur.
Çunmulaj ka treguar edhe momentin kur vendosi të marrë pjesë në një kompeticion. Ajo përdori një gënjeshtër të bardhë, duke i thënë punonjësve në argjendarinë e babait, se familja e kishte lejuar të merrte pjesë. Më pas ajo fitoi kompeticionin dhe u tregoi prindërve para se të lexonin titujt e gazetave ‘’Emina Çunmulaj, shqiptarja filloi një karrierë në mes të Jugosllavisë!’’.
