Fenomeni më i përhapur i ngacmimeve seksuale është ai që ndodh në ambientet e punës dhe Elton Ilirjani, si drejtues i një agjencie rekrutimi në Tiranë, ka hasur incidente të tilla.
Ilirjani rrëfeu se ngacmimet nuk ndodhin vetëm nga punëdhënësi, por edhe nga ato që kërkojnë punë. Ishte ky momenti kur ai vendosi, që të shprehte publikisht se është “gay”.
“Ka raste që edhe intervistuesi ngacmon dhe kjo ndodh në tipologjinë e kompanive të vogla të drejtuara nga shqiptarë. Ose ka raste kur ka kompani shumë të mëdha, me pagë shumë të mirë. Unë kam një klient ndërkombëtar tani, emër të madh dhe po bëj rekrutimet. Të gjitha vajzat më kanë ardhur në intervistë mua, edhe pse jam “gay” dhe nuk e dinë, më kanë ardhur të zbuluara. U kam thënë, vajza mos u zhvishni as tek unë që jam “gay”, as tek dikush që është “straight”, sepse do t’ju ngacmojnë”, u shpreh Elton Ilirjani.
Asnjë nga të ftuarit duket se nuk e priste këtë deklaratë dhe u përpoqën që të mbanin një reagim neutral.
As Jonida Shehu, Einxhëll Shkira, Blendi Salaj apo Arlinda Dudaj nuk bënë një mimikë të habitur. Pas një situate të sikletshme pauze, më pas gjithçka u kalua, duke vijuar bisedën normalisht.
