Fytyra e saj nuk ka ndryshuar aspak. Tiparet e ëmbla që karakterizohen nga buzëqeshja të kujtojnë menjëherë këngëtaren shqiptare Rita Ora, vajza e parë në foto, ajo më e vogla.
Fotoja është postuar nga vetë këngëtarja në profilin e saj në “Instagram”, e cila ka gjetur mënyrën më të bukur për të uruar motrën e saj më të madhe, Elena, që ka ditëlindjen.
“Çfarë do të bëja unë pa ty, vetëm Zoti e di. Ti je gjithçka dhe arsyeja që unë jam kjo që jam sot. Sa herë që më ke bërtitur e di që e ke bërë sepse më do. Mbaj mend që mami na vishte njësoj të dyjave dhe unë qaja sepse nuk kisha të njëjtat gjëra që kishe dhe ti më jepje të tuat sepse kështu veprojnë motrat e mëdha. Ne ndërtuam gjithçka së bashku dhe unë do ta mbaj përgjithmonë! Jam shumë krenare për ty dhe për gjithçka që ke arritur deri tani! Gëzuar ditëlindjen motër”, shkruan Rita Ora.
