Ditën e djeshme në media u bë publik lajmi i vrasjes së një gruaje 50-vjeçare në fshatin Gjerbes.
Gruaja u vra nga nipi i bashkëshortit, i cili kishte tentuar të vidhte në shtëpinë e saj, por pasi ajo e kishte pikasur ai së bashku me dy shokët e tij e hodhën në rezervuar.
Ndërkohë bashkëshorti i saj, Drita Salaj saj kishte shkuar te punonte ne Greqi prej dy muajsh dhe sapo është kthyer.
Sot, ai është kthyer për ta takuar për herë të fundit gruan e për ta përcjellë në banesën e fundit.
Hair Salaj në një intervistë për ‘News24’, pohoi se kishte tentuar që të fliste me gruan e tij, por kjo e fundit nuk i ishte përgjigjur në telefon, ndërsa lajmin për zhdukjen e gruas tha se ia kishte dhënë vëllai i tij përmes një telefonate.
Si e mësuat ngjarjen??
Unë isha në Kretë të Greqisë. E marr në telefon dhe nuk ma hapte. Më njoftoi vëllai i madh në telefon. Këtu kishte ardhur policia në orën 1 të natës. Më njoftoi në mëngjes. Ndjeva direkt.
Ju iknit shpesh në Greqi?
Tani në fund të nëntorit ika.
Ju kishte shprehur Drita më përpara ndonjë frikë?
Jo kurrë. Kishte ndenjur shumë herë vetëm.
E besuat se mund të kishte diçka që nuk shkonte?
Na thanë se është dera e mbyllur dhe nuk ka njeri. Kur kishin hyrë brenda dhe e kishin parë shtëpinë përmbys, atëherë thash se diçka ka ndodhur.
Thanë se është nipi. Sa e besoni këtë gjë? A do kërkoni drejtësi?
Po nipi. Patjetër që po, do kërkojmë drejtësi. Edhe fëmija po të ishte, një krim ndaj prindërve, duhet të ndëshkohet.
Keni komunikuar me ndonjë familjar të nipit?
Jo jo, absolutisht.
