Mbrëmjen e djeshme, u regjistrua një incident, gjatë kohës kur po zhvillohej protesta e banorëve të Astirit, tek drejtoria e Policisë së Tiranës.
Në momentin që po kalonte, ambasadori i OSBE-së, Berard Borchardt, protestuesit filluan të thërrisnin në kor “Rama ik” dhe ‘turp për ju’.
Borchardt pas këtij veprimi ka bërë një veprim jo të hijshëm, duke ngritur gishtin e mesit ndaj qytetarëve.
Veprimi i tij ka shkaktuar një debat të madh, madje disa figura politike kanë kërkuar largimin e tij nga Shqipëria.
Ndërkohë gjatë ditës së sotme, ambasadori i OSBE-së ka kërkuar falje për gjestin.
Më tej ai ka shtuar, se e respekton të drejtën e shqiptarëve për të protestuar.
“Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”, shkruan Borchardt.
Kujtojmë këtu se pak muaj më parë, pas një proteste të opozitës, disa të rinj shkruajtën në murin e banesës së Borchard në Tiranë, “Shame on you”, që përkthehet “Turp të kesh”./gazetareforma
