Gjërat rrodhën shumë shpejt në jetën e Adelinës, shtatzënia, martesa dhe ardhja në jetë e fëmijës së saj të parë.
Këngëtarja po përjeton momente mjaft të veçanta mëmësie, pas ardhjes në jetë rreth 1 muaj e gjysmë më parë të të birit, Jon.
Pavarësisht se ajo ka publikuar shpesh foto me vogëlushin, në asnjë prej tyre nuk ka treguar portretin e tij.
Por në foton e postuar nga “Vipat Shqiptarë” në Instagram, zbulohet për herë të parë fytyra e të sapolindurit. Këngëtarja është treguar e kujdesshme që të mbulojë një pjesë të portretit, duke ia mbuluar sytë me një emoji në formë syzesh.
Komentuesit dalluan atë që kemi në mendje të gjithë, se vogëlushi i ngjan të atit, avokatit maqedonas Serjoza Markov.
Adelina u bë nënë për herë të parë më 27 gusht, ndërsa lidhi kurorë me avokatin në dhjetor të 2017-s.
