Një 54 vjeçar është vënë në pranga në qytetin e Lushnjës, pasi ka goditur me grushte një 43-vjeçar, që i ngacmonte të bijën.
Ngjarja është shënuar sot, dhe babai pretendon se 43-vjeçari me iniciale N. Ç., i ka ngacmuar seksualisht vajzën e tij të mitur 17 vjeçe.
54 vjeçari akuzohet për “Plagosje të rëndë me dashje”, ndërsa N. Ç. për veprat penale “Ngacmimi seksual”, “Plagosja e lehtë me dashje”, “Armëmbajtja pa leje” dhe “Mbajtja pa leje e armëve të ftohta”.
Gjatë kontrollit personal të 43-vjeçarit iu gjet dhe sekuestrua një kapsollë detonatore e paplasur, fishekë arme gjahu dhe një mjet prerës (thikë).
Të dy personat e arrestuar ndodhen në spitalin e Lushnjës, nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
/Iconstyle.al
