Prej pak kohësh, këngëtari Ardian Bujupi po shijon romancën e tij të re me një modele indiane, e cila quhet Sabrine Khan.
Vajza në fjalë është modele në klipin e ri të këngëtarit të titulluar “Modela” dhe duket se ky projekt ka qenë një ogur i mirë për Bujupin.
Ai jo vetëm që ka njohur modelen tërheqëse, por mes tyre paskan lindur edhe shkëndija.
Duket se gjërat janë bërë aq serioze mes çiftit, saqë këngëtari dhe Sabrine kanë vendosur ta bëjnë tashmë “zyrtare” marrëdhënien.
Në profilet e tyre në rrjetet sociale fotot në shoqërinë e njëri-tjetrit janë të shumta, teksa videot e tyre të TikTokut janë bërë virale.
https://www.instagram.com/p/CBQtSlxBAPH/?igshid=x7zfjjp1yb2m
Ardian prej disa ditësh ndodhet në Shqipëri pasi ka xhiruar këngën në bashkëpunim me Xhensilën, që del të premten, duke kaluar kështu pak kohë larg Sabrine-s.
Fatkeqësisht, duket se ky projekt ka bërë që çifti të jetë larg edhe në një ditë të shënuar siç është ditëlindja e modeles.
Megjithatë, këngëtari nuk ka hezituar ta uroj në Instastory, ku ka publikuar dy foto: një ku shfaqen të dy dhe një të Sabrine, teksa mbi foto ka shkruar: “Gëzuar ditëlindjen!”
Nuk dihet ende se kur do kthehet autori i hitit ‘Andiamo” tek e dashura, por ne jemi shumë kuriozë për dhuratën.
Këtë herë Ardian nuk e solli modelen indiane ta prezantonte me vendin e tij, por me siguri kjo do ndodhë së shpejti.
