Një 71-vjeçar po hetohet i lirë, pasi sipas prokurorisë nuk ka prova konkrete që ka abuzuar seksualisht me një 22-vjeçare me probleme të shëndetit mendor edhe pse u kap në flagrancë dhe e pranoi fajin.
Abuzimin seksual me 22 vjeçaren me probleme të shëndetit mendor e konfirmon edhe akti i ekspertizës mjeko-ligjore, ku thuhet se vajza paraqet deflorim të vjetër, që do të thotë se fqinji kishte kohë që abuzonte me të prej kohësh.
“Fiks Fare” ishte në shtëpinë e 22-vjeçares, e cila jeton me prindërit në një fshat të Poliçanit. Babai dhe nëna me lot në sy tregojnë që vajza e tyre ka shfaqur probleme të shëndetit mendor që në moshën 2 vjeçare. Nuk flet dhe komunikon, vetëm nëpërmjet pasthirrmave.
Babai tregon se ishte ai që gjeti fqinjin e tij tek qëndronte i shtrirë mbi vajzën, mbuluar me batanije po tentonte të kryente aktin e turpshëm. Në momentin kur babai kishte hyrë në shtëpi, vajza ish shkëputur nga i moshuari dhe ish hedhur për ndihmë në këmbët e të atit.
Sipas babait të vajzës së abuzuar, ai tani del nëpër fshat edhe pretendon se nuk ka bërë asgjë, duke acaruar edhe më shumë situatën, madje ai ka arritur deri aty sa ka menduar vetgjyqësinë.
/Top Channel
