J Balvin është një nga këngëtarët më fenomenalë të momentit. Të gjitha projektet muzikore që mbajnë vulën e tij kthehen shumë shpejt në hite dhe numri i fansave anembanë botës shtohet dita ditës.
Këtë verë ai ka vendosur të bëjë një turne botëror për të qenë sa më pranë publikut dhe në këtë mënyrë të gjithë ata që duan artin e tij do të kenë mundësi ta takojnë. Së fundi ylli botëror ndodhet në Ibiza ku ka mbajtur një nga koncertet e rradhës dhe shumë pranë tij ka qenë ish-banorja e Big Brother Rike Roci. Nëpërmjet disa postimeve në rrjetet sociale bukuroshja ka treguar se ishte në rreshtin e parë të koncertit të tij dhe në një moment J Balvin është afruar tek telefoni i saj për të bërë një video më të qartë.
Rikja nuk ka qenë e vetme, pasi pranë saj ka qenë edhe ish-bashkeshortja e futbollistit, Blerim Xhemajli, Erjona Sulejmani.
Të veshura mjaft seksi, bukuroshet duket se e kanë shijuar në maksimum koncertin e këngëtarit të hitit “Con Altura”.
