Një vajzë e re që i mbijetoi sulmeve terroriste në aeroportin e Brukselit në mars 2016 ka vdekur pasi kerkoi që të eutanizohej.
Rasti i fundit u bë publik ditë më parë dhe bëri bujë të madhe pasi ishte një vajzë e re që nuk vuante nga asnjë patologji fizike. Ekspertët theksuan se mjedisi mjekësor i së resë duhet t’i kishte ofruar asaj mundësi të tjera përpara eutanazisë.
Shanti De Corte, 23 vjeç, vuajti nga depresioni i rëndë dhe çrregullimi i stresit post-traumatik pas sulmit të ISIS të vitit 2016 që vrau 32 njerëz dhe plagosi më shumë se 300.
E reja, e cila në atë kohë ishte 17 vjeçe, ishte në sallën e nisjeve të aeroportit belg të Zaventem më 22 mars 2016 me shokët e saj të shkollës për të udhëtuar drejt Italisë kur terroristët shpërthyen një bombë. Vajza arriti t’i shpëtonte shpërthimit, i cili u pasua nga dy shpërthime të tjera.
Pavarësisht se kishte mbijetuar dhe ishte e padëmtuar fizikisht, Shanti pësoi sulme të vazhdueshme paniku dhe simptoma depresioni për shkak të pasojave psikologjike.
Ajo u shtrua në një spital psikiatrik në qytetin e saj të lindjes, Antwerp, për të filluar rehabilitimin duke përdorur ilaçe kundër depresionit. Megjithatë, ajo tentoi vetëvrasjen dy herë, në vitin 2018 dhe 2020.
Nëna e saj, Marielle, e përshkroi dhimbjen e së bijës për median belg VRT: “Ajo ditë e shkatërroi vërtet, ajo nuk u ndje kurrë e sigurt pas kësaj. Nuk doja të shkoja askund ku kishte njerëz të tjerë, nga frika. Ajo gjithashtu kishte sulme të shpeshta paniku dhe nuk u largua kurrë prej tyre”.
Shanti detajoi përvojat e saj pas shpërthimit në rrjetet sociale, duke folur sinqerisht për betejën e saj për shëndetin mendor. “Unë marr disa ilaçe në mëngjes. Dhe deri në 11 antidepresantë në ditë. Nuk mund të jetoja pa to. Me të gjitha medikamentet që marr, ndihem si një fantazmë që nuk ndjen më asgjë. Ndoshta ka zgjidhje të tjera përveç mjekimeve”, ka shkruar ajo.
Shanti kërkoi eutanazinë për “vuajtje të padurueshme psikiatrike”.
Eutanazia përkufizohet si praktikë e përfundimit të qëllimshëm të jetës së një personi për të lehtësuar dhimbjen dhe vuajtjen e tyre. Është e ligjshme në Belgjikë për një person që është në “një gjendje të padobishme nga pikëpamja mjekësore e vuajtjeve fizike ose mendore të vazhdueshme dhe të padurueshme që nuk mund të lehtësohen, si rezultat i një çrregullimi serioz dhe të pashërueshëm të shkaktuar nga një sëmundje ose aksident”.
Kërkesa zyrtare për eutanazi u miratua në fillim të këtij viti nga dy psikiatër, sipas RTBF.
