Fjolla Morina ka paralajmëruar publikimin e këngës së saj të radhës.
Këngëtarja ka premtuar se do ta djegë fare verën, pasi ka publikuar disa foto vërtet të zjarrta në Instagram, që besohet se janë shkëputur nga klipi i ri.
View this post on Instagram
Që me shikimin e parë nuk është e vështirë të kuptosh se veshja e Fjollës i ngjan shumë asaj të Elvana Gjatës në klipin “Fustani” në bashkëpunim me Capital T.
Fjolla shfaqet e veshur me një body bust që ngjason sikur është i punuar me ar. Veshja provokuese vjen edhe zgjerohet në pjesën e hijeve, njësoj si ai i Elvanës i punuar nga Valdrin Sahiti.
Në një foto të dytë Fjolla shfaqet me një jumpsuit të zi dhe flokët e kapur bisht ndërsa paralajmëron publikimin e klipit shumë shpejt!
Nuk e dimë nëse këngëtarja është frymëzuar nga kolegia e saj, e megjithatë duket se kjo veshje do të bëjë namin këtë verë.
