Maria Grazia Chiuri bëri dje prezantimin e saj të parë haute couture për Dior në Paris. Koleksioni i prezantuar në kopshtin e Musée Rodin, solli detajet magjepsëse të shtëpisë së modës të injektuara me frymëzimin magjik të Chiuri-t.
Ajo solli një koleksion sa romantik dhe të çuditshëm, me fustanet gjysmë tyli, fundet pastel dhe aksesorët e kokës, që të kujtonin perëndeshat e pyjeve.
1.Dior transformoi kopshtet e Musée Rodin në një vend magjik të gjelbëruar për shfaqjen e tij, të kompletuar me stolat me myshk për të ftuarit dhe tavanin ku vareshin gjethet dhe kristalet.
2.Diane Kruger, Soko dhe A$AP Rocky ishin mes celebrities të ulur në radhën e parë.
3.Shfaqja nisi me një seri veshjesh të zeza, ku shumë prej tyre përfshinin edhe veshje me kapuç. Paraqitjet pa kapuç përfshinin maska fytyre mahnitëse në formën e fluturave, lakuriqëve të natës dhe insekteve të tjera.
4.Pas maskave, vinin aksesorët e kokës. Disa ishin të gjata dhe me pupla, të tjerat ishin kurora të vogla me lule. Elementët natyral vazhduan te bizhuteritë, ku shumë paraqitje përfshinin “chocker” të mëdha me gjarpër dhe flutur përpara.
5.Koleksioni përfshinte më së shumti fustane me prerjen e belit me siluetën e princeshës. Chiuri kishte sajuar fustane shumë delikate me materiale gjysmë-tyli, disa me figura hyjnore dhe të tjerat të zbukuruara me yje. Ndër më të rëndësishmet ishin ato kadife ngjyrë blu dhe ngjyrat vibrante, si e kuqja apo jeshilja.
6.Ndryshe nga koleksioni i parë, këtë herë u dallua vetëm një veshje me pantallona, e frymëzuar nga kostumet ushtarake.
*Shfleto galerinë
Burimi: Vogue
