Ministri i Jashtëm në detyrë, Genti Cakaj, ka reaguar pas fjalëve se është në një lidhje romantike me vajzën e bashkëshortes se kryeministrit, Linda Rama.
I pyetur nga moderatori Blendi Fevziu lidhur me thashethemet për një lidhje dashurie me vajzën e Linda Ramës, Cakaj mohoi gjithçka.
Ministri e cilësoi si një gënjeshtër absolute këtë gjë dhe tha se ata që e kanë nisur si thashethem do të përballen me gjykatën.
“Nuk është e vërtetë, është dashakeqe dhe me autorët e kësaj gënjeshtre do të ballafaqohem në gjykatë. Është produkt i një fantazie të shfrenuar. Vjen nga armiqtë e Ramës, është një gënjeshtër absolute. Vjen për të njollosur reformën që ka kryeministri”, tha Cakaj, sipas ‘Tirana Post”.
