Ai mund të jetë më çapkëni i grupit dhe për këtë, Bes Kallaku dhe Erion Isai gjithnjë bëjnë shaka me Olsi Bylykun.
Por me rastin e ditëlindjes së tij, dy aktorët i kanë lënë mënjanë shakatë për kolegun e tyre dhe kanë bërë nga një urim të veçantë.
Tashmë ata kanë krijuar një miqësi të ngushtë, duke qenë se punojnë bashkë dhe dedikimi që i kanë bërë Olsit është mjaft i përzemërt.
Nga njëra anë Besi e quan “vëlla të vogël” ndërsa, Erioni e përgëzon për talentin që i ka falur Zoti:
“Olsi Bylyku vëllai im i vogël, vetja ime në moshën tënde, urime ditëlindjen, ke rrugë dhe karrierë të gjatë përpara. Zoti mbarë në gjithçka, përqafime. Edhe 100 role të tjera”, shkruan Besi, ndërsa Erioni ka shkruar:
“Gëzuar ditëlindjen. Qoftë jeta jote si talenti që zoti të ka falur… e pambarimtë, me peshë, shkëlqim dhe plot emocion. Je mik”.
