Të jesh në vendin e parë në listën e botës, nuk është gjithmonë gjë pozitive. Shqipëria është renditur e para për numrin e popullsisë më të lartë që janë përdorues të kokainës.
Më parë bota është ndarë në hartë sipas kanabisit, alkoolit dhe konsumit të cigareve, ndërsa tashmë edhe për përdorimin e kokainës.
Harta më poshtë tregon botën sipas përhapjes së përdorimit të kokainës, si përqindje e popullsisë, sipas statistikave më të fundit në dispozicion në faqen e internetit të Kombeve të Bashkuara për Drogën dhe Krimin.
Ato vende ose territore që shfaqen në ngjyra të errët konsumojnë më shumë kokainën, ato me ngjyra të lehta konsumojnë më pak. Të dhënat janë arritur pas raportimeve ndër vite, kështu që nuk jep një pamje perfekte, por jep një tregues të mirë të shteteve që e konsumojmë më shumë kokainën.
Britania është ndër përdoruesit më të mëdhenj të drogës në botë. Shifra e dhënë për Britaninë e Madhe prej 2.25% i referohet konsumit në Angli dhe Uells nga banorët e moshës 16-59 vjeç. Burimet qeveritare raportojnë se përdorimi i kokainës është pak më i lartë në Skoci rreth 2.34% që nga vitet 2014-2015, ndërsa në Irlandën e Veriut është më i ulët – 1.8%.
Në krye të tabelës qëndron Shqipëria. Hulumtimi i shëndetit publik nga viti 2014 vlerëson se 2.5% e popullsisë së saj në moshë 16 dhe 64 vjeç përdorin drogën.
Më pas në listë renditen sipas radhës, SHBA-të, Spanja, Australia dhe Holanda, së bashku me disa vende të Amerikës së Jugut: Kili dhe Uruguai.
Burimi: The Telegraph
