Mbrëmjen e sotme në Lushnjë është regjistruar një ngjarje e rëndë.
Një infermiere është plagosur me thikë nga një 36-vjeçar, pasi kishte shkuar në shtëpinë e tij për t’i bërë gjilpërë nënës së tij të sëmurë.
Policia bën me dije se ngjarja ka ndodhur rreth orës 19:15 dhe menjëherë pas krimit, autori ka tentuar të largohet.
Por, pas kërkimeve nga policia ai është kapur në flagrancë.
Bëhet me dije se për fat të mirë infermieria është jashtë rrezikut për jetën.
Lushnjë
Policia kap dhe arreston në kohë rekord autorin e plagosjes me thikë të infermieres së qendrës shëndetësore në fshatin Arrëz.
Sot, rreth orës 19:15, në fshatin Arrëz, Lushnjë, shtetasi A. M., 36 vjeç, ka goditur me mjet prerës (thikë), shtetasen A. T., 59 vjeçe, infermiere në qendrën shëndetësore në fshatin Arrëz, e cila kishte shkuar në banesën e autorit për t’i bërë gjilpërën nënës së tij të sëmurë.
Pasi ka goditur infermieren, shtetasi A. M. është larguar nga banesa, por pas reagimit të menjëhershëm të Policisë u kap dhe u arrestua në flagrancë, në tentativë për t’u larguar nga vendngjarja.
Shtetasja A. T. ndodhet në spitalin e Lushnjës, nën kujdesin e mjekëve, jashtë rrezikut për jetën.
Grupi hetimor po punon për zbardhjen e plotë të kësaj ngjarjeje.
