Një lajm i mirë mbërrin nga dyshja e famshme e vëllezërve Mozzik dhe Getinjo.
“Iconstyle.al” vuri re se të gjitha këngët e tyre që ishin hequr nga platforma YouTube, janë rikthyer sërish.
OnRecords ka rikthyer hitet e dy vëllezërve që i hoqi pas debateve që çuan në largimin e tyre nga shtëpia diskografike.
Studioja muzikore ka qenë në proces gjyqësor me dy vëllezërit Mozzik dhe Getinjon, pas largimit të këtyre dy të fundit dhe prishjes së njëanshme të kontratës.
Vëllezërit formuan edhe shtëpinë e tyre diskografike “2 Euro Records”, por as me këtë lëvizje nuk arritën të sigurojnë menjëherë videot e tyre në YouTube të paktën deri më sot.
Një sërë këngësh si: “Tony Montana”, “Kokaina”, “Me hile” “Dhezu” etj, mund t’i gjeni tani në YouTube.
Nuk e dimë nëse reperët tani mund të këndojnë hitet e tyre në koncerte, pasi dhe kjo iu ndalua nga OnRecord gati një vit më parë.
