Kanye West po bën një tjetër lutje publike për pajtim me ish-gruan e tij Kim Kardashian West.
Ndërsa performonte në koncertin Free Larry Hoover të enjten në Coliseum në Los Angeles, West, 44 vjeç, i kushtoi këngën e tij “Runaway” Kardashian, 41 vjeç.
Pasi këndoi tekstin, “Kam nevojë që të vraposh menjëherë tek unë, zemër”, shtoi reperi, “më konkretisht, Kimberly”.
Kardashian West mori pjesë në koncert me motrën e saj, Kendall Jenner, dhe nënën e saj, Kris Jenner. Ajo solli gjithashtu dy nga fëmijët e saj, të cilët i ndan me West: North, 8 dhe Saint, 6. Kardashian West dhe West janë gjithashtu prindër të vajzës Chicago, 3 vjeç dhe djalit Psalm, 2 vjeç.
Deklarata e West në skenë vjen pasi Kanye postoi një “Lutje Falënderimi” pesë-minutëshe në Instagramin e tij muajin e kaluar, në të cilën ai foli për keqardhjen e tij dhe dëshirën e tij për të ribashkuar familjen e tij.
“Gjithçka për të cilën mendoj çdo ditë është se si ta ribashkoj familjen time dhe si ta shëroj dhimbjen që kam shkaktuar”, tha ai në atë kohë. “Unë marr përgjegjësi për veprimet e mia. E vetmja gjë që të gjitha sukseset dhe dështimet e mia kanë të përbashkët jam unë.”
Nuk i dihet se ç’do ndodh midis tyre, por mesa duket Kim nuk e mendon ribashkimin.
