Prokuroria ka kërkuar 4 vite burg për gjyqtarin e Fierit, Roland Hysi, i cili i kërkoi klientes favore seksuale një nëne të divorcuar në proces gjyqësor për kujdestarinë e fëmijës.
Ai u prangos në janar 2019 pas publikimit të një video-përgjimi të “Stop” (shiko këtu). Hysi përfitoi uljen e një të tretës së dënimit pasi pranoi gjykimin e shkurtuar.
Si dënim plotësues prokuroria kërkoi moslejimin e ushtrimit të funksioneve publike për tre vite.
Hysi u arrestua më 9 janar pasi u filmua nga kamera e fshehtë e “Stop” duke marrë 500 euro ryshfet dhe duke kërkuar favore seksuale.
Gjyqtari akuzohet për veprat penale “Korrupsioni pasiv i gjyqtarëve prokurorëve dhe funksionarëve të tjerë të organeve të drejtesisë” dhe “Ushtrimi i ndikimit të paligjshëm të personave që ushtrojnë funksione publike”.
