Hakerat shqiptarë të quajtur “Anonymous Albania” kanë sulmuar disa faqe të kryeministrisë dhe ambasadës së Francës në Tiranë, pas vdekjes së të riut shqiptar Florenc Beqiri.
Përmes një njoftimi në Facebook, hakerat njoftojnë se kanë sulmuar faqen zyrtare të policisë, si shenjë revolte ndaj vdekjes së shqiptarit Florenc Beqiri. Ata madje thonë se kanë vjedhur email-in personal të kryeministrit shqiptar dhe kanë parë të gjitha informacionet private.
Ndërkohë, mbrëmjen e djeshme është thënë se grupi ka sulmuar të gjitha faqet zyrtare të qeverisë shqiptare, përfshi këtu të Parlamentit, Kryeministrisë apo të gjykatave.
