Që një mashkull të tërheqë vëmendjen e Roza Latit duhet të ketë një buzëqeshje të bukur dhe dhëmbët rruazë.
Kështu shprehet moderatorja në një intervistë për “Gazetën Shqiptare”, ku flet për famën, marrëdhënien me të ëmën dhe meshkujt.
Roza shprehet se femrat tërhiqen gjithnjë nga meshkujt me vetëbesim, ndërsa tregon dhe merakun më të madh:
“Një mashkull që të fitojë vëmendjen time duhet të ketë humor, duhet të jetë gentleman, duhet të ketë një buzëqeshje shumë të kuruar me dhëmbë të pastër, të bukur. I kam shumë merak dhëmbët dhe buzëqeshjen tek meshkujt dhe mbi të gjitha, një mashkull që të fitojë vëmendjen time duhet të ketë shumë vetëbesim”.
Roza flet edhe për puthjen e bujshme me Feron, i cili kohë më parë u përfol si i dashuri i saj në media. Moderatorja tregon se zgjodhi t’i bëjë qejfin publikut me një puthje në ekran:
“Zgjodha të puth Feron, sepse atë ma bënë për të dashur. Unë kam përkrahur shumë talente në emisionin tim edhe në këto 7 vite eksperiencë që kam në televizion me emisione të ndryshme që kam bërë. Kam pasur gjithmonë të ftuar artistë të rinj, talente të reja. U kam dhënë gjithmonë suport këtyre të fundit dhe gjithmonë do u jap, po nuk e di pse Feron më bënë për të dashur. Meqë kishte kaq merak publiku Feron, thashë OK po e puth në buzë, po i bëj qejfin publikut”.
/Gazeta Shqiptare
