Plagoset me armë në këmbë 18-vjeçari nga Vlora, identifikohet autori

Një plagosje është shënuar mbrëmjen e sotme në qytetin e Vlorës, ku një 18-vjeçar, mbeti i plagosur me armë zjarri. Ngjarja ka ndodhur në lulishten pas Universitetit.

I plagosuri, Brikelo Brahimaj, raportohet se ka marrë një plumb në këmbën e majtë.

Lexo edhe :

Tragjedi e tmerrshme në Brazil/ Harrojnë t’i lidhin litarin e sigurisë, 21-vjeçarja hidhet nga ura dhe bie 40 metra drejt vdekjes

08:03 14/06/26

Rama humbi gratë e Shqipërisë, elektoratin që mendoi se do ta kishte përgjithmonë!

17:41 09/06/26

Aktualisht i riu po merr trajtim në spitalin e Vlorës dhe ndodhet jashtë rrezikut për jetën. Policia ka identifikuar autorin, shtetasin Ergest Beqiraj 18 vjeç, dhe është vënë në ndjekie të tij.

Dyshohet se ngjarja ka ndodhur për motive të dobëta midis dy të rinjve. Vazhdojnë hetimet për sqarimin e rrethanave të ngjarjes dhe dokumentimin e plotë të saj.

Njoftimi i policisë:

“Më datë 06.11.2018, në orën 19:45, në Spitalin Rajonal Vlorë ka shkuar një person i cili dyshohet të jetë plagosur me armë zjarri.Policia ka filluar menjëherë hetimet në lidhje me ngjarjen dhe nga veprimet paraprake ka zbuluar se në zonën e Skelës në lulishten pas universitetit është plagusur në këmbë dyshohet me armë zjarri shtetasi B.B, 18 vjeç” sqaron policia.

/Ora News