Nuk është sekret se nëna e saj aktorja e famshme Katie Holmes është përpjekur gjithmonë t’i japë vajzës së saj Suri një fëmijëri normale. Suri Cruise, e cila është gjithashtu vajza e aktorit Tom Cruise sapo konfirmoi se është aq normale sa doli të shiste limonade në rrugë.
Ditën e djeshme bashkë me 4 fëmijë të tjerë dhe nën mbikëqyrjen e dados, 12 – vjeçarja u pa në rrugët e New York, gjatë paradës “Gay Pride” duke shitur pije freskuese për 2 dollarë.
Burime për “US Weekly” thanë se ajo dukej shumë e ëmbël dhe e buzëqeshur teksa u uronte të gjithë kalimatarëvë ditë të mbarë. Të gjithë u mahnitën nga shërbimi i vogëlushes duke treguar adhurim për të.
Ndërkohë Suri aktualisht jeton me nënën e saj Katie në New York City dhe prej 4 vitesh ajo nuk është parë kurrë me të atin, aktorin Tom Cruise.
