Ndonjëherë majfton vetëm një gjest i vogël për të bërë të lumtur dikë.
Kështu ka ndodhur sot në programin “Ka një mesazh për ty”, ku një vajzë e re e quajtur Anxhela mori surprizën më të bukur të ditës.
Ajo është fansja më e madhe e kantautorit Elgit Doda, i cili ishte ftuar në program nga moderatori Ardit Gjebrea.
I infiltruar si kameraman i emisionit, Elgiti arriti të surprizojë dhe të bëjë të lumtur Anxhelën, e cila është e paralizuar.
Ajo kishte dëshirën e madhe për të takuar qoftë edhe një herë Elgitin, të cilin e adhuronte prej kohësh dhe jo vetëm që e takoi por e dëgjoi dhe live të interpretonte.
Kjo surprizë ishte vërtetë emocionuese për Anxhelën por edhe për të pranishmit.
