Pak orë pasi bëri publike se është infektuar me koronavirus, është përkeqësuar gjendja e deputetit Adriatik Alimadhi.
“FAx News” raporton se ai është dërguar menjëherë në urgjencën e Infektivit, ku do t’i nënshtrohet një kontrolli më të specializuar.
Deputeti tregoi sot se është paraqitur në urgjencë mbrëmjen e 24 marsit, ku i kanë bërë analizat dhe grafi për mushkëritë.
Alimadhi tha gjithashtu se edhe bashkëshortja e tij është infektuar me Covid-19 dhe të dy po kujdesen me vështirësi për njëri-tjetrin.
Ndërkohë ai ka kritikuar kryeministrin për mungesën e vëmendjes totale ndaj tij.
“Ne po përballemi vetëm në këtë mënyrë gati prej një jave, unë së bashku me bashkëshorten po e bëjmë me radhë, e pi unë një paracetamol i pari, dhe i bëj shërbimin asaj. Më pas e pi ajo paracetamolin dhe më bën ajo mua shërbim. Këtë e bëjmë në 4-5 orë. Po të ishte për interesim nga ju do të kishim vdekur, prandaj mos na gënjeni dhe mos na mashtroni”.
