Megjithëse ishte përgatitur për një natë të gjatë pasi do të mbante një koncert gjigant në Madison Square Garden, Jennifer Lopez-it i ndodhi e papritura kur sapo kishte filluar shfaqjen e saj. Qyteti i New York-ut u përfshi nga një ndërprerje masive e energjisë, gjë që e ka mërzitur këngëtaren.
Për këtë arsye, koncerti i saj u pezullua dhe Lopez rrëfeu në një video në Instagram se ndihej zemërthyer nga kjo ngjarje.
“E shkatërruar dhe zemërthyer që nuk mund të performoj për të gjithë ju sonte. Por koncertin do e bëjmë. Ju premtoj. Ju dua.”- shkroi këngëtarja krahas videos së publikuar, ndërsa në një tjetër video njoftoi se koncerti i anulluar do të mbahet këtë të hënë.
Dy muaj më parë Jennifer u bë kryefjala e mediave për shkak të propozimit fantastik që mori për martesë, kur partneri i saj Alex Rodriguez iu ul në gjunjë buzë detit, ndërsa këngëtarja i tha “Po”.
