Aurela Gaçe ngriti në këmbë dje publikun në festivalin e Digitalb që u mbajt në sheshin “Skënderbej”.
Këngëtarja me origjinë nga Vlora ishte bërë shumë seksi e veshur me të zeza, ndërsa sa i përket vokalit të saj është e kotë të flasim!
Por nëse ka një gjë për të cilën do të mbahet mend gjatë Aurela janë performancat zbathur.
Edhe mbrëmjen e djeshme ajo hoqi sandalet me taka që kishte veshur dhe doli zbathur në skenë, ku këndoi e kërceu me mjaft energji.
Por sikur të mos mjaftonte kjo, Aurela hoqi edhe vathët e saj për t’ua dhënë fansave duke thënë: “S’kam ç’të heq tjetër!”
Në videot që ka siguruar “iconstyle.al” këngëtarja shihet që i mungon njëri vath, pasi i kishte rënë poshtë. Pasi një fans e gjeti vathin, ajo ia dhuroi, dhe më pas hoqi dhe tjetrin për t’ia dhënë dikujt tjetër.
Epo kujtim më të bukur s’do të kishte!
