Ardian Bujupi ka ndarë së fundmi në adresën e tij në Instagram një video, që i ka bërë të gjithë fansat për “ujë të ftohtë”. Në video këngëtari shihet i gjakosur në ballë brenda një makine, që duket se është përplasur me një pemë. Videoja është xhiruar nga një person tjetër që vrapon drejt Ardianit dhe e pyet nëse është mirë, por ky i fundit nuk i përgjigjet.
Videoja është shoqëruar me një zemër të thyer dhe i ka trembur të gjithë fansat e tij. Ata kanë nxituar të pyesin këngëtarin se çfarë ka ndodhur me shpresën se ai është mirë. Nga ana e Ardianit nuk ka pasur asnjë lloj reagimi dhe ndoshta kjo video mund të jetë pjesë e ndonjë projekti të ri muzikor.
View this post on Instagram
Disa kanë ngritur aludime se bëhet fjalë për videoklip të ri dhe Ardiani ka gjetur këtë mënyrë për t’ju tërhequr vëmendjen të gjithëve. Megjithatë pritet që më vonë të ketë detaje të tjera nga këngëtari, i cili këto kohë ka qenë në qendër të vëmendjes mediatike.
Para disa ditësh debati i tij virtual me Capital T shkaktoi bujë të madhe në rrjete sociale. Capital T e cilësoi Ardian Bujupin si mosmirënjohës në një emision dhe më pas replikat mes tyre vijuan në Instagram.
