I ftohti arktik nuk ka kursyer as kafshët këto ditë. Ndërsa vendi jonë ka marrë masa për endacakët, kafshët e rrugëve mundohen ku të munden që t’i mbijetojnë acarit.
Gjatë ditës së djeshme një dhelpër e ngrirë u gjet në Kosovë. Kafsha u gjet në ujërat e lumit Drin në Krushë të vogël.
Ndërsa pak ditë më parë fotografia e prekëse, tregon një qen të ngordhur, të ngrirë në anësoret e rrugës në fshatin Dobroshefc të Drenasit. Raste të tilla janë pikasur edhe në Shqipëri.
Ndërsa veprimi prekës i Stambollit na bëri të gjithë të kthejmë sytë nga miqtë tanë me katër këmbë. Për shkak të të ftohtit, dyqanet kanë lejuar qentë që të kalojnë natën brenda tyre, duke i krijuar edhe disa kushte. Një veprim të tillë mund ta bëjmë kudo që ndodhemi!
Burimi: Iconstyle
