Dikur ajo peshonte mbi 90 kilogramë, dhe ndoshta për ironi të fatit, rrëzimi i mbi 50 kilogramëve e kanë bërë të famshme këngëtaren shqiptare Lindita Halimi e njohur vetëm si Linda.
Sot ajo njihet si fituesja e festivalit të këngës në RTSh, por suksesi i saj në SHBA lidhet kryesisht edhe me rrëzimin e disa kilogramëve, që e bëjnë t’u japë shpresë të gjitha atyre vajzëve që kërkojnë të dobësohen. Falë stërvitjes dhe rregullimit të dietës ushqimore, Linda arriti të bënte trupin e dëshiruar nga çdo femër.
Për këtë, ajo ka dalë në kopertinën e revistës prestigjioze ‘People’ krah për krah Oprah Winfrey. Ajo flet për transformimin trupor të saj i cili padyshim se do të jetë modeli ideal për secilën femër.
Saga e publicitetit të saj nuk mbaron me kaq pasi që ajo do të jetë pjesë edhe emisionit të mëngjesit ‘Good Mornin America’ i cili transmetohet në ABC TV.
Në shoë-n në fjalë Linda do të flasë pikërisht për prezencën e saj në magazinën ‘People’ teksa ka njoftuar edhe shqiptarët për orarin e saktë që të mund ta ndjekin atë në kohë reale. Po kush është Linda Halimi?
Vajza simpatike nga Vitia, Lindita Halimi u ngjit në skenë, e pushtoi atë dhe hyri fuqishëm në mesin e këngëtareve me një ego të fortë, qëllim dhe ambicie të mëdha. Duket se këto ambicie, mbase e radhisin në artisten e këngës, duke e bërë dhe një vashë me stil të veçantë. Linda di çka do nga vetja dhe synimet e saja. Linda ka një stil të veçantë dhe kjo e bën një primadonë të skenës sonë. Origjinaliteti i saj është imponues, kurse zëri i saj kumbues.
Linda Halimi martohet me amerikanin Big D dhe më pas shpërngulet në SHBA për të krijuar një karrierë ndërkombëtare në tregun amerikan. Humbja drastike e peshës dhe ndryshimi i emrit të artit në “Lindita”, janë hapat e para që ajo po ndërmerr në karrierën e saj të re përtej oqeanit.
