Ditën e djeshme, kënga e re e reperit të njohur shqiptar Ledri Vula u fshi nga “Youtube”. Ajo kishte arritur 2,8 milionë klikime por tashmë nuk gjendet në kanalin “Youtube” edhe pse kishte më pak se dy javë që ishte publikuar.
Menjëherë pas kësaj ngjarje ka reaguar vetë reperi i cili përmes një videoje në “Youtube” ka treguar se këngët e bukura mbeten gjithmonë në kujtesë dhe nuk harrohen:
“Deri sa “Youtube” i rregullon problemet e veta (bugs) e të kthehet video, shkojmë pak me koncertin e fundit në Prishtinë… s’është këngë që harrohet”, shkruan Ledri.
“Youtube” nuk i ka bërë të ditura arsyet pse kënga nuk ndodhet më, megjithatë fansat presin që sa më shpejtë kënga të ç’bllokohet, dhe të gjendet sërish në kanalin zyrtar të Ledrit.
