Në Met Gala, Alex Rodriguez shoqëroi të fejuarën Jennifer Lopez, por me atë rast përfitoi edhe të hynte në bisedë me disa njerëz me influencë, të famshëm e pasanikë që iu gjendën në tavolinë.
Me një intervistë të fundit për “GQ” ku flet për prapaskenat e mbrëmjes më të përfolur të majit, Alex Rodriguez ka bërë internetin të ziejë për mënyrën si ironizoi Kylie Jenner-in e cila sipas tij flet vetëm “për buzëkuqet dhe sa e pasur është”.
Jo vetëm me Kylie-n; Alex u tall edhe me ca të tjerë.
“Kishim një tavolinë fantastike”, u shpreh Alex, “Ai djali me ngjyrë nga “The Wire”- po, Idris Elba, dhe gruaja e tij e re. Një këngëtare e famshme ngjitur me mua, po s’ia di emrin. Versaçja- Donatela domethënë. Kishim edhe Kylie-n dhe Kendall-in. Kishim edhe një zotëri aziatik nga “Aziatikët e pasur”, kryesorin. Kylie po fliste për Instagram-in, buzëkuqet dhe sa e pasur është.”
Me thënë të drejtën, jo se Kylie nuk ka përse të mburret. Këtë vit, ajo u shpall nga “Forbes” miliarderja më e re në moshë e pasuruar prej punës së vet.
Sidoqoftë, Kylie vendosi t’i kthente përgjigje ish- futbollistit përmes një postimi në Twitter ku shkruajti:
‘”Hmmm, në fakt jo. Folëm vetëm për “Game of Thrones”.’
