Lidhja e tyre në syrin e mediave mund të ketë marrë fund por Gigi Hadid dhe Leonardo DiCaprio janë parë sërish bashkë! Ata kanë shijuar një darkë së bashku në Milano. Pavarësisht zërave, dyshja ende po e shohin njëri-tjetrin, të paktën si miq, teksa kanë shijuar një mbrëmje në kryeqytetin italian.
Fotot e shkrepura nga “Page Six” tregojnë yllin e “Revenant” dhe Hadid duke lënë një restorant në Milano. Thuhet se DiCaprio dhe Hadid mbërritën rreth mesnatës me orën lokale dhe u larguan rreth një orë më vonë. Pasi dyshja kuptuan se i panë paparacët, u “stresuan” dhe u larguan. DiCaprio-s iu bashkua një mik tjetër për të vazhduar natën e tij jashtë në qytet, ndërsa Hadid shkoi në shtëpi sepse ajo duhej të bëhej gati për “Javën e Modës në Milano”.
Një burim thotë se Hadid dhe DiCaprio ishin pjesë e një darke mes miqsh për ditëlindjen e Edward Enninful. Të pranishmit e tjerë përfshinin Kendall Jenner dhe Dakota Johnson.
Një burim i dytë tregon se fituesi i Oscarit dhe modelja u ulën së bashku në lokalin privat ku u ulën “afër” me njëri-tjetrin. “Ata po buzëqeshnin brenda”, tregon burimi për “Page Six”.
