Mësuesi i matematikës së shkollë “Adem Gjeli” në Fushë-Krujë, Fatmir Dervina u përfshi dje në një skandal që bëri xhiron e rrjetit. Ai i kishte dërguar nxënëses së tij të mitur një video ku shfaqej i zhveshur dhe bënte gjeste të pahijshme.
Sot ka ardhur edhe reagimi i parë nga shkollës 9-vjeçare “Adem Gjeli”, në Fushë-Krujë, ku ai punonte prej vitesh si mësues matematike. Në profilin zyrtar të Facebook-ut të shkollës “Adem Gjeli” është publikuar një njoftim ku lajmërohet se mësuesi është pezulluar nga detyra deri në zbardhjen e çështjes nga organet kompetente.
“Duke marrë shkas nga ngjarja e publikuar në rrjetet sociale, mbi publikimin e një video-je me përmbajtje që cënon integritetin e një mësimdhënësi, nga një mësues i shkollës sonë, drejtoria e shkollës 9-vjeçare ‘Adem Gjeli’ Fushë-Krujë dënon ashpër veprimin dhe ka marrë masën: ‘Pezullim nga puna deri në zbardhjen e çështjes nga organet kompetente’”, shkruhet në njoftimin e publikuar në faqen zyrtare të shkollës “Adem Gjeli”.
Burimi: Panorama.al
