Që prej lidhjes së tij me Tunën dhe ndarjes që bëri aq shumë bujë në media, s’kemi dëgjuar më për jetën private të reperit Cozman. Deri para pak ditësh, sepse reperi ka konfirmuar së fundmi lidhjen e re të dashurisë me një brune seksi, me të cilën ka pozuar në rrjete sociale.
Ka qenë vajza e quajtur Fjolla ajo që ka publikuar foto me Cozman në InstaStory, ndërsa ai ka ripostuar të njëjtën foto në story-n e tij duke tërhequr vëmendjen e fansave. Cozman është shoqëruar nga Fjolla edhe në shumë dalje publike e festa, duke vendosur të bëjnë një hap më të madh në lidhjen e tyre.
Duket se çifti po jetojnë momente të bukura bashkë dhe reperi ka rënë në dashuri kokë e këmbë. Ai nuk ngurron që të ndajë me ndjekësit e tij disa nga momentet romantike me partneren.
Së fundmi, Cozman ka postuar në Instagram një video të shkurtër në të cilën shihet duke mbajtur duart kapur me të dashurën. Nuk dimë nëse ata kanë nisur bashkëjetesën me njëri-tjetrin, por nga videoja duken në një ambient privat teksa shohin bashkë një film.
Reperi nuk ka ndarë shumë detje për këtë lidhje të re dhe e vetmja gjë që dimë për partneren është se ajo punon si grimiere. Presim që në të ardhmen Cozman të dalë e të flasë hapur e të na tregojë diçka më shumë për këtë marrëdhënie.
