Rihanna duket se është shumë e lumtur me të dashurin e saj të ri, miliarderin saudit Hassan Jameel.
29-vjeçarja mbante një buqetë me lule, ndërkohë që partneri i saj nga Lindja e Mesme ishte i buzëqeshur gjatë arratisjes së tyre romantike në Ibiza.
Diva e “pop”-it ishte veshur me kostum me vija, ndërsa i dashuri i saj u shfaq i veshur në mënyrë më sportive.
Këngëtarja thuhet se ka rënë në dashuri me biznesmenin dhe është e lumtur që e ka njohur larg syrit të publikut.
Çifti është dalluar në të njëjtën ditë duke u puthur në mënyrë pasionante në pishinë, në vilën luksoze.
Jameel vjen në jetën e Rihanna-s pas marrdhënies së saj me reperin Drake, fituesin e “Oscar”-it, Leonardo DiCaprio, reperin Travis Scott, yllin e NBA-s, Matt Kemp dhe këngëtarin Chris Brown.
I dashuri i këngëtares shërben si zëvendëskryetar dhe nënkryetar i biznesit të familjes së tij Abdul Latif Jameel Domestic, i cili ka në pronësi të drejtat për shitjen e makinave Toyota në Arabinë Saudite që nga viti 1955.
Familja Hassan u rendit në vendin e 12-të në listën e “Forbes” në Lindjen e Mesme, të arabëve më të pasur në botë, me një pasuri prej 1.5 miliardë dollarë në vitin e kaluar.
Ata gjithashtu posedojnë një skuadër futbolli në Arabinë Saudite, të quajtur Jameel.
TMZ shkroi se në vitin 2013, Jameel fitoi çmimin “Guinness” pasi theu rekordin botëror për paradën më të gjatë të makinave “Toyota”.
Ndërkohë që miliarderi është parë herën e fundit në një romancë me supermodelen Naomi Campbell.
Burimi: Daily Mail
