Moderatorja Viola Spiro ka thyer heshtjen për herë të parë që prej arrestimit në Itali të partnerit të saj Valentin Selaj, i cili u kap me drogë dhe u akuzua për trafik kokaine.
Nëpërmjet një videoje në Instastory, Viola tregon se ndodhet në Vlorë. Ajo kishte ditë që heshtte në rrjetet sociale, por më në fund vendosi të tregojë se po shijon disa ditë pranë bregdetit me qenushin e saj dhe muzikë popullore.
Në videon e mëposhtme, Viola ka filmuar nga xhami i makinës teksa udhëton në Lungomaren e qytetit të Vlorës dhe në prehër mban qenushin e saj të vogël. Epo me sa duket shprehja popullore “çudia më e madhe 3 ditë zgjat” është mëse e vërtetë në çështje të tilla.
Edhe pse ka pasur me ngulm kërkesë për të ditur versionin e moderatores lidhur me arrestimin e të dashurit të saj, ajo ka heshtur prej ditësh. Ka qenë mamaja e Violës që me anë të postimeve në rrjete sociale është kthyer kundër gazetarëve dhe i ka dalë në mbrojtje vajzës së saj.
