E ftuar në 10-vjetorin e festivalit Westfield në Londër, Rita Ora performoi në krah të këngëtarit britanik Liam Payne, hitin “For You”.
Por për fansat që morën pjesë në festival, kjo performancë ishte shumë e veçantë sepse 27-vjeçarja me origjinë nga Shqipëria dhe 25-vjeçari britanik dukeshin shumë të dashuruar, teksa i hidhin shikime plot adhurim njëri-tjetrit.
Epo nuk përjashtojmë mundësinë që mund të jetë një aktrim i mirë për të përcjellë emocionet e këngës, ama nuk hedhim poshtë edhe faktin se të dy janë beqarë, ndaj s’do ishte aspak çudi.
“Unë po qëndoja në fillim të turmës dhe Liam e Rita po flisnin, qeshnin dhe kërcenin shumë afër me njëri-tjetrin. Ajo qëndronte shumë pranë tij, ndërsa ai i hodhi krahët rreth saj dhe e përqafoi” – tha një fans për “DailyMail”.
Pak javë më parë, Rita Ora pranoi në një intervistë se është single dhe se lidhja mes saj dhe muzikantit Andrew Watt, ka marrë fund.
