Vetëm pak ditë më parë, i dashuri 25-vjeçar i Kourtney Kardashian, Younes Bendjima, u shndërrua në kryefjalën e mediave rozë pas një komenti aspajk të përshtatshëm që i bëri 38-vjeçares në një foto super sexy ku ajo ekspozonte të pasmet.
“Kjo është ajo që duhet të tregosh për të marrë disa pëlqime?”- i shkroi ai Kourtney-t, duke u akuzuar masivisht nga ndjekësit e saj si i prapambetur dhe maskilist.
Në media u përfol gjatë për një krizë të çiftit për shkak të xhelozisë dhe posesivitetit të modelit, i cili tashmë duket se po përpiqet të rregullojë situatën, por pa shumë rezultat.
Në një foto të re të Kourtney-t, ku ajo është e mbuluar dhe i duket vetëm këmba, Younes shkruan: “Hmmm epo… ok për këtë!”
Mirëpo tentativa e tij për të kthyer në shaka dramën e komentit famëkeq duket se nuk është pritur mirë nga fansat e Kourtney-t, të cilët e kanë akuzuar se është i papjekur dhe se askush nuk kishte nevojë për aprovimin e tij. 25-vjeçarit duket se do t’i duhet një kohë e gjatë për të fituar sërish pëlqimin e fansave të partneres së tij.
