Ditën e sotme këngëtarja shqiptare me famë botërore Ava Max ka dhënë intervistën e saj të parë për një televizion shqiptar.
Autorja e hitit “Sweet but psycho” foli për rrënjët e saj shqiptare dhe origjinën e prindërve të tyre, babait nga Qeparoi dhe nënës nga Saranda. Ajo tregoi se nuk e ka vizituar kurrë Shqipërinë, dhe këtë vit kishte planifikuar të vinte, por pandemia nuk e lejoi. (KLIKO)
Ajo foli edhe për bashkëpunimin e shumëpritur me Dua Lipën, Bebe Rexhën dhe Rita Orën dhe tha se duhet të bëhet patjetër një këngë e përbashkët e tipit “Lady Marmalade”. Ava tha se me Duan nuk ka folur ende, por mezi pret ta takojë.
Ava tregoi edhe lidhjen e fortë me gjyshen e saj dhe kujtoi gatimet e preferuara të saj:
Ndër të tjera Amanda Koçi(emri i saj i vërtetë) ka tërhequr vëmendje edhe me modelin e saj të çuditshëm të flokëve, të cilët në gjysmën e kokës i ka të gjatë dhe në gjysmën tjetër të shkurtër.
E dini se çfarë simbolizon ky look i saj?
Ashtu siç emri i saj artistik lidhet me dy anët e kundërta: ‘Ava’ përfaqëson anën femërore të personalitetit të saj dhe ‘Max’ atë mashkollore.
Këtë dualizm ka dashur ta përcjellë edhe nëpërmjet flokëve duke i prerë në mënyrë asimetrike: në njërën anë me stilin bob, në anën tjetër me flokët e gjatë.
Interesante apo jo?
