Është bërë me dije masa e arrestit ndaj Gert Shehut, 31-vjeçarit që goditi me grusht Sali Berishën gjatë protestës së djeshme (6 dhjetor).
Në spital, atij iu komunikua masa “arrest me burg”. Shehu do të dënohet për veprën penale ‘goditje për shkak të detyrës’.
Bëhet me dije se momentallisht Gert Shehu nuk ka pranuar të japë asnjë deklaratë, duke shtuar se do të prononcohet në një moment të dytë.
Kujtojmë që as ky incident nuk e ndaloi ditën e djeshme Sali Berishën të vazhdonte protestën e organizuar.
Teksa u ngjit në podium, Berisha dukej se kishte lëndime në fytyrë dhe në hundë, megjithatë ai vendosi të mbajë fjalim.
“Asgjë në botë nuk na mposht ne popullin e opozitës popullin e fitores, poshtë Edi Rama. Poshtë kriminelët ne do triumfojmë, rroftë opozita shqiptare nderim ju që jeni këtu për të protrestuar kundër këtij regjimi të kriminelëve”- u shpreh Berisha.
Ditën e djeshme u raportua gjithashtu se autori Gert Shehu, 31 vjeç, ishte me origjinë nga Tepelena dhe banues në Tiranë. Në media të ndryshme qarkulloi edhe lajmi se dhunuesi vuante nga probleme të shëndetit mendor.
Gert Shehu u shoqërua fillimisht nga protestuesit drejt selisë së PD, konkretisht ish-zëvendës drejtori i Policisë së Tiranës, Erzen Breçani.
