Mjaftoi një deklaratë e saj “më bëri block” për të shkaktuar një furtunë lajmesh dhe thashethemesh se mes moderatores Nevina Shtylla dhe gazetarit Eni Shehu ka pasur një përplasje.
Dje “Prive.al” shkruante për një konflikt mes dy ish-kolegëve dhe e bazonte lajmin mbi faktin se Nevina dhe Eni nuk e ndjekin në rrjete sociale njëri-tjetrin.
Gazetari ishte i pari që reagoi në lidhje me këto lajme. I pyetur nga “Class” në lidhje me marrëdhënien e tij me Nevinën, Eni Shehu tha se ai nuk ka pasur kurrë marrëdhënie shoqërore me moderatoren, vetëm pune:
“Me Nevinën nuk kemi ndarë kurrë momente shoqërore. Kemi bashkëpunuar dhe kemi qenë kolegë korrekt, por miqtë secili i zgjedh sipas dëshirës, edhe në rrjetet sociale”, është shprehur gazetari.
Menjëherë pas kësaj deklarate, “Iconstyle.al” ka kontaktuar me moderatoren për të mësuar versionin e saj të ngjarjes.
Nevina Shtylla nuk i hoqi asnjë pikë apo presje deklaratës së Eni Shehut.
Ajo tha se nuk ka asnjë prapaskenë në marrëdhënien mes tyre dhe se jeta vazhdon edhe jashtë rrjeteve sociale:
“Është shumë e drejtë dhe e saktë çfarë ka thënë Eni dhe nuk ka ndonjë prapaskene. Jeta (ajo e vërteta) vazhdon dhe jashtë rrjeteve sociale”!
Epo me sa duket, gjërat nuk janë aq tragjike sa duken dhe bëjmë mirë që rrjetet sociale të mos i marrim kaq seriozisht.
/iconstyle.al
